„ХАРИ ПОТЕР И ПОЛУКРВНИОТ ПРИНЦ“
Издавач: Младинска книга
Број на страници: 502 
Димензии: 13 x 20 см, тврда подврска                                                     
Јазик: македонски
Цена: 1.290,00 ден.
Isbn: 978-608-4500-193  

НАРАЧАЈТЕ НА ТЕЛ. 02/ 30 72 556; 02/ 30 72 544;

Младинска книга - Скопје

Бул. „Партизански Одреди“ бр. 70 б

1000 Скопје

Феноменот Хари Потер или писмо до обожавателите на серијата книги за Хари Потер

Непосредно пред излегувањето на книгата „Хари Потер и Полукрвниот Принц“ на македонски јазик, на барање на уредникот на оваа интернет страница, ми беше дадена „домашна задача“ да напишам нешто за феноменот Хари Потер во светски рамки.
Размислувајќи, како и многупати додека се подготвуваше македонското издание на оваа книга, повторно се прашувам зошто токму Хари Потер и со кои аспекти на самата приказна за храбриот волшебник авторката Џоан Роулинг допре до милиони читатели на сите меридијани во светот.
Кога се појави првата книга за Хари Потер, како човек кој има извесна аверзија кон бестселерите, не ја прочитав, а ќерка ми ја „проголта“ во еден здив. И покрај тоа што додека мојата ќерка Тијана беше мала многу од книгите за деца ги прочитав самата, или и ги читав нејзе гласно, серијата книги за Хари Потер не ги прочитав.
Сега, ставена пред нова работна обврска, се „нурнав“ во целата приказна, во сите нејзини продолженија. Размислувајќи гласно, сфатив дека мене лично не ме допреа многу ниту авантурите, ниту креативно изградените ликови на најразлични животни, полудухови, митски суштества, домашни џуџиња... да, да, да сето тоа е интересно и возбудливо и мајсторски Џоан Роулинг го креира тој напореден свет на волшебници. Борбата со злото, современ еп?... Меѓутоа, тоа што кај мене остави длабок впечаток беше начинот на кој е граден ликот на Хари Потер. Верен, храбар, скромен, непоткуплив... Хари кој знае и да се засрами, да згреши, да се извини... Хари, кој знае и да се исплаши и срцето да му тупа од страв, Хари кој оди напред... Хари кој се бори против злото... правдољубив, како што вели неговиот учител Дамблдор, Хари кој, и покрај се што доживеа, остана со чисто срце.
Во ова време на површни, инстант пријателства, длабоко ме засегна и неговата врска со пријателите Хермиона, Рон и Џини. Пријателство што подразбира многу љубов, грижа и пожртвуваност. Нивната меѓусебна подготвеност и решителност да бидат едни покрај други во сите опасни, ризични состојби што многу сликовито ги опишува Џоан Роулинг. Тоа што Хари е сирак, без родители, кој во своите пријатели гледа „избрано“ семејство, семејство кое е со него во неговата борба со злото... сето тоа малку ме потсетуваше на мојот животен пат.
Ми стана јасно зошто овие книги ги привлекуваат не само младите читатели, зошто меѓу обожавателите на Хари Потер и љубителите на перото на Џоан Роулинг има и многу возрасни читатели со изграден критериум и однос кон пишаниот збор.
Се разбира, ова се само мои размислувања и доживувања, нафрлени набрзина на хартија во едно преубаво саботно утро во Скопје...

Драги наши читатели,

Со ова сакам да ја отворам темата Феноменот Хари Потер и да Ве поттикнам да ги ставите на хартија (или на компјутер) вашите впечатоци, стојалишта, размислувања.
Што Ве допре Вас? Зошто толку ги сакате книгите за Хари Потер? Како станавте обожаватели на Хари Потер? Какви се Вашите впечатоци, доживувања...?
Пишувајте ми, на lavinija.suvaka@mkskopje.com или на laviitiki@yahoo.com

Уредникот на оваа интернет страница, со задоволство ќе стави дел од Вашите писма и размислувања.

 
Срдечно Ваша,
Лавинија Шувака

Писма од фановите на  Хари Потер

* лекториран текст од нашиот Хари Потер фан

Сторијата на Сашко Потер од Штип

Учев во шесто одделение. На гости ми дојде мојата најдобра другарка и сосетка која живее на мојата улица. Со неа сум цел живот. Сакаше да одиме в кино. Се согласив, ги обожавам филмовите. Повикавме со нас уште еден сосед и една наша заедничка соученичка. Бевме в кино да го гледаме филмот „Хари Потер и каменот на мудроста“. Го гледавме филмот и излеговме полни со впечатоци. Се приближив до постерот за филмот и го разгледав внимателно. На мојата рака ја запишав адресата www.harrypotter.com. Сакав да знам повеќе за таа магија, за тој свет. Веќе следната недела филмот беше гледан од 80% од моите соученици. Филмот беше толку популарен што дури и наставничката по македонски јазик предложи филмот да биде тема за писмена работа. Но, за жал, голем дел од соучениците не се согласија. Во мене брзо избледеа сеќавањата за приказната од филмот. Но секој ден посакував да ја почувствувам таа магија барем уште еднаш. Брат ми во тоа време имаше другар кој се занимаваше со пиратерија на музика и филмови. Го замолив да отиде и да го праша дали го има филмот. Набрзо ми се јави брат ми и ми рече дека другар му го имал само продолжението на филмот, а, за жал, го немал првиот дел. Јас се збунив. Зар има продолжение? Зар има втор дел? Го чекав секој миг брат ми да си дојде дома. Си дојде и го пуштивме филмот да го гледаме заедно. Тоа наедно беше еден од најубавите мигови поминати со мојот брат. Го гледав филмот и целосно се внесов во приказната. Стана мое секојдневие. Се сетив на страницата што ја запишав. Пребарав на интернет и најдов доста интересни информации дека приказната за волшебникот Хари Потер е напишана од жена по име Џоан Кетлин Роулинг и дека сагата содржи 7 книги. Книги? Во тоа време ги читав само книгите што ми беа потребни за на училиште. Отидов тие денови в библиотека и ја зедов првата книга. Набрзо ја зедов и втората книга. И неа ја прочитав. Се сеќавам дека и братучетка ми тогаш навлезе во тие води, па и таа ја зеде да ја чита. Кога веќе бев осмо одделение бев свртен кон Хари Потер и неговиот свет. Редовно го земав списанието „Наш свет“. Еден ден кога бев отсутен од настава моите другарки го зеле мојот број и ми го дадоа наредниот ден. Ми кажаа дека во весникот пишува за првиот бакнеж на Хари Потер. Ваууу, прв бакнеж. Кога го прочитав написот дознав дека станува збор за синопсис на петтата книга што била објавена во 2003 година – „Хари Потер и Редот на фениксот“. Е овде веќе здивнав. Имав прочитано две книги, а веќе сакав да читам уште. Пребарував на интернет и дознав за премиерата на третиот филм. Кога дојде летото и премиерата на третиот филм (2004 год.) филмот го гледав многу внимателно. Не верував дека тоа е филм за Хари Потер. Едноставно, ми беше многу мрачно. По гледањето на третиот филм бев пресреќен и преисполнет. Набрзо ја прочитав и третата книга. И оттогаш решив да се декларирам и чувствувам како обожавател на Хари Потер. Ми беше тешко, зашто бев единствениот меѓу луѓето околу мене што знаев дека го сака Хари Потер. Набрзо се запишав во гимназија. Нова средина, нови луѓе. Гледав и читав за Хари Потер сам во себеси. Почнав да собирам постери и статии од весници за да ги имам како колекција. Еден ден случајно, пребарувајќи ги книгите во библиотеката забележав дека има голема жолта книга под наслов „Хари Потер и Редот на фeниксот“. Ја зедов книгата и ја држев со голема желба. Сакав да знам што има во неа, што пишува, како се движи приказната, а, сепак, ги имав прочитано само првите три книги. Отидов дома и почнав да ја читам. Страниците летаа магично, времето не го сеќавав. Бев целосно занесен во книгата. Ја прочитав книгата само за една недела, па и самиот не верував дека сум прочитал книга што има 800 страници. Тогаш дојде и мај (2005 год.), време за нашата екскурзија во Будва. Се сеќавам дека во торбата со алишта ја носев и книгата со мене. Шетајќи и разгледувајќи ги убавините во Будва забележав во една продавница крпа за плажа – Хари Потер. Отрчав и со голема желба ја купив. Од тој миг посакав да ја зголемувам мојата колекција за Хари Потер. Сепак, во мојата приказна за Хари Потер имаше една празнина. Четвртата книга и четвртиот филм. Набрзо на телевизија го прикажаа првиот трејлер за следниот филм – „Хари Потер и Пламениот Пехар“. Кога видов дел од сцените во филмот скокав до таван, бев исполнет, пресреќен и преисполнет. Отрчав до библиотеката истиот ден и ја зедов четвртата книга. Сакав да бидам мирен и спокоен додека ја читам, па отидов кај баба ми на гости една недела. Таму ја читав книгата и сум пресреќен што и баба ми и дедо ми се дел од мојата магична приказна. Веќе не можев да бидам мирен. Почнав редовно да отворам страници за Хари Потер, да контактирам со обожаватели од странство – главно од Србија, да собирам постери, да станувам се поголем негов обожавател. Гледав редовно клипови за Хари Потер и навлегов во процесот на правење на филмовите. Тогаш се појави и мојата желба за филмови. Дојдоа и вториот и третиот трејлер за филмот. Притисокот стануваше се поголем. Сакав се повеќе да го гледам филмот. Веќе пристигнаа и новите информации за шестата книга – Harry Potter and the Half-Blood prince. Сакав да ја имам таа книга повеќе од што било. Во меѓувреме, додека ја чекав шестата книга ги препрочитував претходните пет по неколкупати. Барав нови работи, нови неодговорени прашања... Дојде светската промоција на шестата книга. Полноќни забави, продажба и сите церемонии поминаа низ моите очи преку интернетот, но, сепак, ја немав книгата. Преку другарка која стапила во контакт со девојче од Англија која ја прочитала книгата јас дознав две работи. Дамблдор ќе го убијат и дека Снејп е Полукрвниот Принц. Тогаш се појавија првите солзи на моето лице пролеани за магијата во Хари Потер. Дамблдор? Нашиот омилен лик? Станав депресивен и сакав и јас да навлезам во светот и да се БОРАМ. Со тоа го градев и мојот живот. Секој ден станував се поуспешен. Хари Потер ми даваше желба да станам доминантен, успешен, среќен, да ги направам моите родители да се гордеат со мене и на работите што постојано ми ги донесуваше Хари Потер и да ги сакам луѓето околу мене. Со менувањето на моите омилени ликови се менував и јас. Дојде септември – месец во кој се соочив со пиратската моќ на интернетот. Сфатив дека книгата е достапна на интернет па ја спуштив. Ја прочитав на англиски јазик. Поминав цела недела пред компјутерот. Ми беше претешко. Да читам книга на англиски јазик? Тоа беше апсурдно нешто за мене порано, но сега е стандардно. Се навикнав на тоа и денес ги читам сите книги на англиски јазик. Книгите за Хари Потер ги имам прочитано на англиски јазик повеќепати отколку што имам прсти на себе. Во тоа време постоеше една емисија за млади на нашата локална телевизија. Луѓето разбраа за мојата пасија и колекција за Хари Потер и дојдоа во мојот дом да снимаат емисија. Се согласив и направија интервју. Набрзо во градот станав познат како Хари Потер. Истото се случи и во училишниот весник кој ми посвети две страници од весникот и пишуваа за мене, за мојот однос кон Хари Потер и мојата колекција. Дојде декември (2005 год.) – месец кога беше закажана премиерата на четвртиот филм. Веќе ја имав прочитано четвртата книга (се разбира, и другите) и бев подготвен да го почувствувам филмот. Го набавив филмот на пиратско ДВД и го гледав. Бев воодушевен од филмот, од ликовите и од се. Набрзо се случи и еден многу голем настан во мојот живот. Татко ми ја забележал рекламата на А1 телевизија за премиерата на филмот во Скопје, па еден викенд реши да ме прати во Скопје на гости кај братучетка ми за да го гледам филмот во кино и да се вратам. Се исполнив со радост. Му благодарам вечно на татко ми за тој прекрасен и незаборавен викенд. Следуваше еден долг и мрачен период. Размислував доста за книгите и филмовите и со тоа менував многу работи во мојот живот. Набрзо го сменив друштвото и навлегов во третата година од моето образование. Тогаш работите почнав да ги гледам посериозно. Конечно успеав да ги сфатам Хари, Рон и Хермиона и нивните пријателски односи зашто конечно во мојот живот бев во состојба да кажам на некој пријателски те сакам. Засекогаш сум им благодарен на тие личности кои за голема среќа се до мене и денес. Во третата година почнав да го учам предметот етика. Етиката во Хари Потер ја применував и во мојот живот, но, сепак, морав да се кријам од заедницата. Хари Потер не беше сфатен сериозно. За Хари Потер се зборуваше како за литература од типот – Зоки Поки и Касни порасни. Јас бев голем противник на сето тоа. Запознавав се повеќе негови обожаватели. Поттикнував многу луѓе да ги гледаат филмовите за Хари Потер и да ги читаат книгите за него. Во меѓувреме немаше новости за Хари Потер во светот, па проучував за веќе постојните работи и елементи – алхемија, Хари Потер и христијанството и слично. Во трета година почнав да ги добивам првите подароци со Хари Потер. Брат ми ми подари ѕиден часовник, другари и другарки – тетратки, постери и слични работи кои и денес ги чувам во мојата колекција. Дојде 2007 година. Година кога требаше да биде премиерно прикажан петтиот филм и седмата и последна книга. Уф, го обожавам тоа лето. Тогаш го очекував филмот од филмски апсект. Ги анализирав трејлерите, следев слики од филмот, места на снимање, но не ја запоставив и последната книга под наслов - Harry Potter and the Deathly Hallows. Е тоа е книгата што ми создаде една навика. Сфатив дека книгата ќе биде дистрибуирана и во Македонија, па ќе можев да ја купам и јас. Но, цената на книгата беше малку... астрономска, ми беше срам да побарам пари од моите родители, па решив да тргнам чекор напред. Се вработив и работев речиси цел месец. Не ми е срам да го кажам ова, зашто секој ден поминат на работа го правев со јасна цел. Сакав да ја имам книгата и тоа купена со мои заработени пари. Дојде премиерата на филмот, го гледав – се воодушевив. Но дојде климаксот на целата приказна за Хари Потер – издавањето на седмата и последна книга, на 21 јули 2007 година. Дојдов во Скопје, ја купив книгата. Моите домашни заминаа на одмор и останав дома сам. Ја читав книгата додека не ја прочитав. Поминале 4 дена, 4 дена во 4 ѕида читајќи приказна на 600 страници. Приказната ја завршив. Многу солзи се појавија во моите очи, но и многу насмевки. Бев прегорд што станав нешто – станав дел од заедницата Хари Потер. Топлината што ја осетив кога ја читав книгата ја сеќавам и денес. Среќен сум што сум минал голем пат за конечно да ја дочитам приказната до крај. Ја прочитав последната страница и ја затворив книгата. Време беше да продолжам натаму. Но, иако приказната заврши со тоа не заврши мојата пасија Хари Потер. Дојде четвртата и последна година од моето средно образование. Година што ја посветив на читање на Хари Потер на часови. J Oва беа дел од моите средношколски мигови што ќе ги раскажувам на моите внуци. Оваа година ја паметам по проектната задача што требаше да ја изработиме за матурскиот испит на крајот на нашето средно образование. Јас зедов тема поврзана со Хари Потер. Едноставно, не бев подготвен да се соочам со фактот дека книгите за Хари Потер завршија. Проучував и ја пишував семинарската работа за Хари Потер со многу желба и страст. Се разбира, сето ова беше наградено кога добив најмногу поени на презентацијата и мојата проектна задача и денес се покажува како модел за проектна задача. Дојде крајот на моето средно образование – време кога требаше да решам што ќе правам понатаму. Се уште не дозволив Хари Потер да излезе од мојот живот. Хари Потер ми даде желба за гледање филмови, но Хари Потер и ми ја одржа желбата да се запишам на факултетот што го посакував долго време. Се запишав и сега студирам на него во прва година. Сите овие мигови ги поминав во Штип, мојот роден град. Моментно живеам во Скопје и секојдневно стапувам во контакт со многу обожаватели на Хари Потер. Како што јас имам своја приказна за мојата пасија Хари Потер, така и сите обожаватели имаат свои и сите наши приказни се слеваат во една. Благодарение на активното движење на обожавателите на Хари Потер успеавме да не се криеме и срамиме од тоа што сме, туку да се гордееме што сме дел од една масовна култура што го движи светот. Сега имам 18 години. Толку колку што Хари би имал кога би го завршил своето образование на Хогвортс и би почнал да живее самостоен живот без хогвортските професори. Бев дете и Хари ми беше омилен лик. Бев повлечен, мирен, не бев храбар и немав цели. Кога влезе Хари во мојот живот сакав да станам како него – див, бунтовник и да верувам на пријателството. Тоа и го постигнав. Го надминав нивото Хари, па почна идол да ми станува Волдемор. Тој за мене беше премудар. Се фасцинирав од неговата желба да ја сфати целта на животот, но, сепак, не сакав да бидам злобен, како него, па сакав да го сфатам животот преку пријателите кои Волдемор ги нема. Се борев и се борам за моите пријатели, ги сакам и ме сакаат. Го сфатив животот. Треба да имаш цел за да си среќен, да имаш нешто што ќе те движи – да знаеш да сакаш зашто ќе бидеш сакан некогаш во животот. Откога ги допрев последните страници на последната книга клекнувам пред ликот на Снејп – кој многу верува во моќта на љубовта. Посакувам да љубам се повеќе. Ќе ги гледам ликовите и ќе ја градам мојата личност. Ги сакам и почитувам моите прекрасни родители и мојот брат зашто секогаш ме поддржувале и секогаш ќе ме поддржуваат во тоа што го правам. Го очекувам шестиот филм и седмиот филм и ќе се борам вечно за заедницата Хари Потер, зашто Хари Потер ме смени мене, ме направи да бидам тоа што сум сега – обожавател на Хари Потер – голем колекционер, љубител на филмови, се надевам добар другар и син (и брат), но најбитно од се прифатен и сакан таков каков што е!

* Со цел да се задржи автентичноста на текстовите, наредните писма од фановите нема да бидат лекторирани.

From: Ace Nedelkovski <ace_haker@hotmail.com>
Subject: Harry Potter
To: laviitiki@yahoo.com
Date: Tuesday, March 10, 2009, 7:32 A

Hari Poter, Hari Poter. Nema den, a da ne napravam nesto vo vrska so Hari Poter, dali ke procitam nesto ili nekoj film ke izgledam ili pak na internet ke razgleduvam klipovi nekoi. Ednostavno ma|epsan sum od se sto e povrzano so nego, a se zapocna vaka.
Se do petto oddelenie jas ne znaev nisto za Hari Poter osven toa sto toj ima naocari. Ne znaev ni deka postojat knigi, a pak nieden film nemav gledano od nego.Taka eden den na kanalot A1 rekoa deka ke ja davaat premierata Hari Poter i Kamenot na Mudrosta. I jas si vikam “Aj ke go gleam i onaka nemam sto da pravam pa mozda e nesto interesno.Dojde i 20:00 casot i jas pocnav da go gledam.Na samiot pocetok filmot mnogu mi se dopadna, a koga go izgledav se voodooseviv od nego i mislite nekako pocnaa da mi se vrtat samo za toa. Koga posle edna nedela trebase da odam kaj bratu~ed mi na gosti i gledam na skafot site cetiri dela od Hari Poter. Ne znaete samo kolku se izraduvav pa gi zemav 2, 3 i 4 del da go gledam doma. Filmovite stvarno bea top, pa si gi izgledav uste nekolku pati. Potoa pocnav da gi igram i igrite za kompjuter, pa bez razlika na komentarite od drugite sto vikaa deka se dosadni, mene mi bea interesni. Mozebi ke se cudite, no jas dojdov sesto oddelenie, a uste ne znaev deka ima knigi. Posle nekoe vreme mi tekna deka koga bev vtoro ili treto oddelenie, bratuced mi mi spomna onaka deka imal knigi od Hari Poter, ama togas mnogu mi bilo gajle za Hari Poter sto imalo knigi i edvaj cekav da odam kaj bratuced mi da gi zemam knigite. Koga otidov kaj nego, mu rekov vednas “Tuka ti se knigite od Hari Poter”, a on mi vika “Kaj baba mi vo selo mi se”. I jas ja izgubiv nadezta, pa gi cekav tie knigi da si gi zeme od kaj baba mu. Dojde i toj den. Bratuced mi gi imase samo 2, 4 i 5 del na srpski jazik. Go prasav dali gi procital on, a toj mi vika “Ne be, na srpski koj ke cita”. Ja mu se cudev sto mu e na detevo, sto ima vrska ako se na srpski i si gi zemav da gi citam. Dotogas uste ne bese izlezen petti del, ama trebase za edno pola godina i jas pocnav prvo od nego. Dodeka ja citav si vikam “Lele kako e mozno avtorkava volku dobro da pisuva”. Knigata bese neverojatna, se vooduseviv. Potoa pocnav da go citam cetvrti del koj najvike mi se dopadna, pa na kraj go procitav i vtori. Posle nekoe vreme go zemav i treti del na makedonski jazik, pa od sto mi bese merak da go citam na makedonski, dva pati go procitav za brzo vreme. Vednas posle toa bratuced mi go kupi prviot del, pa i nego go procitav. I eve sega sum osmo oddelenie, a neodamna go procitav sesti del, no na angliski za zal, pa sega koga iskoci i na makedonski bi sakal i nego da go procitam. Momentalno go citam sedmi del na srpski, pa od nego sum najmnogu vooduseven.
No dosta za knigite, ajde da vi kazam malku i za filmovite. Sekoj film go imam gledano minimum 10 pati, sto zboram pa jas, kojznae kolku poveke. Tie mnogu dobro se napraveni samo steta sto nema se sto ima i vo knigata. Ete za filmovite nemav mnogu sto da kazam pa ajde ke se vratam na knigite. Ova ne se knigi, ova se vistinski remek dela. Ovie knigi ne se kako onie knigi cello vreme opisi, a nigde citati, pa da gi citas od dosada ili pak ne se onie knigite kade sto pak nema ni malce opisi, a celo vreme citati. Hari Poter knigite sodrzat se sto e potrebno za edna kniga. Nekoi pisateli ne go znaat ni znaceweto na zborot kniga.
Posebno vi knigava mi se dopa|a toa kako se povrzani rabotite vo site sedum knigi. Se si e na mesto, nemam nitu edna zamerka za niv. Sodrzinata e premnogu interesna taka sto e nameneta za sekoj da moze da ja cita bez razlika na toa kolku godini ima. Najveke mi e merak da gledam Dambldor koga se bori, no steta sto samo vo petiot film go imase toa. Najsmesno mi bese koga Voldemort go prevzema Ministerstvoto za Magii, pa Ron rece “Sto ne se proglasi togas za minister za magii”. Brat mi pak koj ni malku ne se interesira za Hari Poter, a dosadno mu e koga me gleda kako citam mi vika “I posle so tebe vo Evropska Unija ke vleguvame”. Ako ne procitas nekoja kniga i si mislis deka se toa se gluposti za magii, togas si se zafrknal.
Neznam veke sto uste da pisuvam za Hari Poter, a koga ke zavrsam so esejov kojznae kolku uste raboti ke mi teknat sto sum propustil da gi napisam, no glavno toa e toa.

From: Antonio Petreski <antoniopetreski@yahoo.com>
Subject: Здраво Лавинија!
To: "laviitiki@yahoo.com" <laviitiki@yahoo.com>
Date: Tuesday, March 10, 2009, 10:28 AM

Здраво Лавинија!
Јас сум голем фан на Хари Потер сагата и кога случајно открив дека всушност се преведува или можеби веќе е преведена бев многу пријатно изненаден.
Она што мене ме воодушеви беше самиот Хогвортс како училиште меѓу другото се разбира. Тоа е нешто за кое верувам многумина откако го прочитаа серијалот мечтаат за него. Исто така ми беше многу добро опишано пријателството помеѓу фамозната 3ка Хари, Рон и Хермиона. Се на се, ова е книга која ме остави воодушевен.
Имам две прашања во однос на издавањето на македонската верзија на Хари Потер и полукрвниот принц:
Кога е издавањето?
Колку ќе биде цената?
Искрено Ваш
Антонио Петрески
 

From: bojan stankovski <hellboy@veritaserum.com>
Subject: Здраво
To: laviitiki@yahoo.com
Date: Wednesday, March 11, 2009, 10:31 AM

Како прво сакам да ви се заблагодарам што ги имате преведно сите 6 дела од серијалот на Хари Потер.Како прво книгата ме навлече бидејќи сум фан на научно фантастични книги и филмови.Ми се допаѓа како е опишано..некој како е облечен,некоја случка,просторија и така...сето тоа го доживував како јас да сум таму
зборовите ми го влечеа вниманието и се тоа го читав во еден здив.Секој дел кога ќе го прочитав го чекав следниот и следниот.Така сега со душа го чекам Полукрвниот принц и исто така се надевам дека ќе го преведете и последниот.
 

From: Timijan Tuparov [mailto:timijan.tuparov@yahoo.com]
Sent: Thursday, March 19, 2009 3:26 PM
To: Lavinija Šuvaka
Subject: Поздрави!

Драга Лавинија,
Како прво да се претставам - јас се викам Тимијан, имам 17 години и живеам во Струмица. Ви пишувам по препорака од Сашко Потер, со кого се запознав непосредно пред некое време. Сигурно веќе сфаќате дека и јас сум фан на Хари Потер. Како прво сакам да го изразам моето воодушевување за скорешното излегување на Хари Потер и Полукрвниот Принц. Сашко ми препорача да ви ја раскажам мојата сторија со Хари... Се надевам дека ќе Ви биде интересна...

Бев во трето одделение кога една вечер со татко ми и сестра ми тргнавме да ја пречекаме мајка ми од работа. Минувавме покрај книжарницата „Култура“ каде во излогот видов една книга која ми го привлече вниманието... Беше тоа првиот дел, Хари Потер и Каменот на Мудроста, кој стоеше заборавено меѓу другите книги. Книгата ми беше многу примамлива, ни јас незнам поради што. Ја замолив мајка ми да ми ја купи, и таа се согласи.... Никој не очекуваше од мене дека ќе ја прочитам таа книга затоа што едвај излегував на крај со лектирите, а книга од 270 страници беше нешто како научна фантастика за мене... Сепак, на изненадување на сите ја прочитав за три дена... Потоа наскоро го гледав и филмот и бев воодушевен! Наскоро почнав секоја вечер да ги сонувам Хари, Рон и Хермиона... Непосредно откако ја прочитав првата книга, се разболев од една болест од што ми се расипа видот. Бев на лекар и ми рекоа дека морам да носам очила. Отидов во оптика и ги барав очилата на Хари, но за жал ги немаше, па затоа ги избрав оние најсличните на нив. Наскоро на реклама го гледав трајлерот за Хари Потер и Одајата на Тајните и така дознав дека има и втор дел (иако за тоа се сомневав уште кога Хагрид му рече на Дарсли дека по седум поминати години на Хогвортс, Хари нема да може да се препознае). Почнав да си измислувам различни приказни за тоа што би можело да се случува во вториот дел.... Кога книгата беше пуштена во продажба, тетка ми од Скопје ми ја прати како подарок за мојот роденден! Тоа беше најсреќниот роденден во мојот живот (наспроти првото поглавје во вториот дел :-) ). Ги препрочитував двата дела, никогаш ненаситувајќи се доволно. Во училиштето почнаа да ми викаат Хари Потер затоа што бев слабичок, со црна коса и очила, а мене тоа воопшто не ми пречеше. Копнеев за тоа да ја имам третата книга, да ја држам во рацете, да ја ЧИТАМ! Наскоро и желбата ми се исполни, ја видов книгата како ја местат на излогот од една книжарница! Морав веднаш да ја имам, но немав доволно пари во џебот, па затоа веднаш отидов во библиотеката и ја земав! Ја прочитав за еден ден! Па потоа ја препрочитав уште неколку пати. Ги гледав филмовите, и бев среќен! Наскоро потоа излезе и четвртиот дел на Хари, па и него го прочитав, а веднаш потоа и петтиот. Ме прашуваа како не ми здосадија веќе тие книги... И кога јас малку размислив за тоа, сфатив дека колку повеќе се зголемува колекцијата за Хари Потер толку поинтересни стануваат книгите. Тоа беше волшебно, магично! Џ. К. Раулинг беше вистинска волшебничка! Го прочитав и петтиот дел повеќе пати... Сакав уште! Но, овде се најдов пред проблем... Дознав дека издавачката куќа „Култура“ нема да го преведува шестито дел од Хари Потер.. Зошто!? Зошто!? ЗОШТО!? Се прашував постојано, но одговор на тоа прашање на добивав. Ја барав книгата на англиски! Сакав по секоја цена да ја добијам, но никој ја немаше!!!
Бев тажен и почнав да читам други книги, надевајќи се дека некоја од нив ќе ја замени магијата на Потер. Но, тоа чувство никој не можеше да го замени...
Еден ден отидов до една книжарница да купам прибор по ликовна уметност и таму видов нешто што ми заблеска пред очите: Harry Potter i Relikvije Smrti! СЕДМИОТ ДЕЛ, ПОСЛЕДНИОТ ДЕЛ ОД СЕРИЈАЛОТ ЗА ХАРИ ПОТЕР!!! Тоа беше невозможно! Оттрчав дома и ги грабнав сите пари што ги имав! Веднаш ја купив и се затворив дома... Ја прочитав за 8 часа, со една мала пауза... Кога стигнав до поглавјето за Кинг Крос застанав со читањето... Многу спомени ми се разбудија... Солзи потекоа од моите очи! Го гледав пред мене моето детство со Потер... И беше добро! Супер!
Ги прочитав и последните неколку поглавја и ми беа одговорени прашањата што ми се мотаа по главата... Благодарен сум му на Потер, на Џ. К. Роулинг... Тие го исполија моето детство и јас секогаш ќе бидам ВЕЧЕН ФАН НА ХАРИ ПОТЕР!!! :)

 Благодарност до сите фанови на Хари Потер од тимот на Младинска книга - Скопје.